Anglia e mbylli në fazën e çerekfinaleve aventurën e saj në Botërorin e Katarit teksa “Tre Luanët” u eliminuan nga Franca. Megjithatë, sfida mund të kishte marrë një tjetër rrjedhë nëse Harry Kane nuk do të gabonte nga pika e bardhë në momentin që rezultati ishte 1-2 për francezët.
Në lidhje me këtë episode, sulmuesi i Tottenham u shpreh për Evening Standart se nuk do të mund ta harroj kurrë gafën, edhe pse shtoi se penalltia nuk do të ndikoj tek ai si lojtar apo person.
“Me shumë mundësi atë penallti të humbur kundër Francës do ta kujtoj për të gjithë pjesën e mbetur të jetës. Por, kështu e ka futbolli, do të vijoj të punoj fort dhe të përmirësohem. Pasi humba penalltinë, mendova të rikthehesha në lojë, ta harroja gabimin sa më shpejt të ishte e mundur pasi ishte një moment vendimtar i sfidës. Tani më duhet të merrem me atë penallti të humbur në çdo ditë që kalon, por nuk do ta lejoj që diçka e tillë të ndikoj tek unë si lojtar apo person”, u shpreh Kane.
