Pep Guardiola “kundërshton” verdiktin e Shoqatës së Futbollistëve Profesionistë në Angli, që e vlërësoi me çmimin “Futbollisti i Vitit” sulmuesin e Liverpoolit, Mohamed Salah. Sipas teknikut të Manchester City-t, këtë çmimin e meritonte Kevin De Bruyne, edhe pse ka shënuar vetëm 12 gola në kampionat, gati sa 1/3-ën e Salah, pasi ka patur ndkimin më të madh në lojën e “Citizens”.
“Në pikëpamjen time, nëse analizon paraqitjen përgjatë 10 muajve, nuk besoj se dikush është më i mirë se Kevin De Bruyne në termat e vazhdimësisë. Ndoshta ka futbollistë me statistika (golat e shënuar) më të mira, por për mua ai është më i miri. Mua më pëlqen të mëndoj se ai e meriton dhe të mos harrojmë që ai do t’i shijojë pushimet verore si kampion.”
Manchester City rrezikon të dënohet nga Federata e Futbollit për shkak të pushtimit të fushën së “Etihad” nga tifozët gjatë festës së titullit, por Pep u shpreh se nuk ka asnjë problem, sepse nuk mund t’ua mohonte këtë kënaqësi fansave. Spanjolli dha edhe një lajm të mirë për tifozët e Anglisë, duke i siguruar se mbrojtësi John Stones do të jetë gati për Botërorin, pasi po riaftësohet në kohë nga dëmtimit që pësoi kohë më parë.