Milani nuk po kalon një moment aspak të mirë. “Kuqezinjtë” pësuan dy humbje brenda kësaj jave dhe objektivi Champions League përmes kampionatit është në rrezik. Megjithatë tifozët e Milanit kanë arsye për të “buzëqeshur” pasi të martën në fushë si titullar do të rikthehet Rafael Leao.
Ylli portugez ka kryer seancën e plotë stërvitore dhe në këtë formë ka lënë pas problemet fizike që e mbajtën jashtë në ndeshjen e parë kundër Interit në Champions League e cila përfundoi 0-2 në favor të zikaltërve.
Lexo edhe:
- Ndryshime në kombëtaret e moshave/ Largohet trajneri i njohur, Bulku rritet në detyrë
- VIDEO/ Goli i parë në Rumani, Hoxhallari merita në fitoren UTA Arad
- VIDEO/ Tjetër gol në Ukrainë, Seferi “nderon” Vorsklan
- VIDEO/ City nuk fal në transfertë dhe “zhyt” Evertonin, fiton edhe Brentford
Milani do të tentojë përmbysjen e madhe të martën në mbrëmje dhe për këtë do t’i duhet ylli i skuadrës Rafael Leao në versionin e tij më të mirë. Interi është shumë më afër finales së Stambollit, por te Milani nuk janë dorëzuar ende. Sidomos me Leaon në fushë, tek i cili do të jenë gjithë sytë dhe zemrat e tifozve kuqezi.
