Ballkani gjen në pengesën e fundit për në grupet e Conference League, bjellorusët e Bate Borisov. Të besuarit e Ilir Dajës duan që për të dytën herë radhazi të arrijnë në fazën e grupeve të Ligës së Konferencës. Kampionët e Kosovës vijnë pas 4 fitoreve radhazi në Europë, ndërkohë që kanë marrë 6 pikë të plota edhe në 2 javët e para të kampionatit duke dëshmuar një formë mjaft të mirë.
Të enjten në Prishtinë do të luhet akti i parë i “play-off”, ndaj Bates që edicionin e shkuar u rendit e treta në kampionat, ndërkohë që në rrugën e saj në Europë ka treguar se nuk është në momentet e saj më të mira. Në “Fadil Vokrri”, skuadra nga Suhareka synon që të marrë një rezultat pozitiv, që në sfidën e kthimit të ketë dhe qetësinë e avantazhit.
Lexo edhe:
- Onana te United? Marotta: Ishte e pamundur t’u rezistoje 50 milionë eurove
- “Maignan është lider si Ibra”, Pioli: Po lind një Milan i bukur, krenar që jam trajneri i Giroud
- Telenovela Mbappe nuk mbaruar, Real Madrid bëhet gati për “serinë” e fundit!
- Legjenda argjentinase rikthehet në rolin e trajnerit, pranon detyrën e vështirë dhe me rrogë minimale
Kjo përballje do të vijë live dhe ekskluzivisht në ekranin e SuperSport/Digitalb, me kampionët e Kosovës që pritet të na dhurojnë një tjetër ndeshje të madhe. Skuadra e Dajës tashmë ka dhe eksperiencën me vete, e pretendon të bëhet e para skuadër shqiptare që merr pjesë dy herë radhazi në grupet e një kompeticioni të UEFA-s.
Bate Borisov nuk e ka më shkëlqimin e dikurshëm, teksa këtë edicion pasi kaloi Partizanin në turin e parë të Champios u “shpartallua” nga Aris në raundin e dytë me rezultatin e përgjithshëm 11-5. Më pas në Europa League u eliminua nga moldavët e Sheriff Tiraspol me rezultatin e të dyja ndeshjeve 7-3 e tani në Conference League luajnë ndaj kampionëve të Kosovës.
