Fitimi i Superkupës së Spanjës, aq më tepër përballë rivalëve të përjetshëm të Realit të Madridit, ka gëzuar shumë Joan Laportën.
Presidenti i Barcelonës komplimentoi lojtarët dhe trajnerin Xavi për triumfin 3-1 në finalen e zhvilluar në Riad të Arabisë Saudite.
Kreu i klubit katalanas zbuloi për RAC1 bisedën e zhvilluar pas ndeshjes me Florentino Perez, homologun e tij.
“U takuam së bashku pas ndeshjes. Perez e pranoi humbjen me shumë sportivitet dhe vuri në dukje lojën tonë shumë të mirë.
Biseduam edhe rreth spektaklit që krijon një El Clasico si Real Madrid-Barcelona dhe rëndësisë së finales”, u shpreh Laporta.
Barcelona mposhti 3-1 Realin dhe fitoi Superkupën për herë të 14-të në histori, ndërsa “Los Blancos” ndjekin me dy suksese më pak.
HIGHLIGHTS: Winning #ElClásico and a title on the same day is priceless pic.twitter.com/pCPX7CYgVQ
— FC Barcelona (@FCBarcelona) January 16, 2023
