Skuadra e Laçit vijon përgatitjet për ndeshjen e vlefshme për turin e parë eliminator të Europa Leagues, ku shorti e vendosi përballë skuadrës së Keslas, në sfidën që do të luhet më 27 gusht në Azerbajxhanin e largët.
Kurbinasit zhvilluan sot një test miqësor ndaj Apolonisë, në stadiumin “Loni Papuçiu” të Fierit, përballje të cilën e fituan me rezultatin minimal 0-1, falë një goli të të riut Albion Marku, në minutën e 88’ të sfidës.
Në Fier u zhvillua një përballje mjaft interesante, ku trajneri Cungu pati mundësi të shikojë përgatitjen e të tijve dy javë para testit europian, ndërsa trajneri Mërgjyshi pa skuadrën e tij të ndeshet me një nga ekipet më të mira të Superiores, ligë në të cilën do të luajë sezonin e ardhshëm.
