Trajneri i Tiranës, Ardian Mema u shfaq mjaft i dëshpëruar në mikrofonin e Supersport, pasi bardheblutë humbën 2-1 në Gjirokastër, ndërsa i përlotur pranoi se mund të japë dorëheqjen.
Tirana kalon në avantazh, por më pas pëson dhe humb ndeshjen…
Nuk e di çfarë ndodh dhe ndonëse kam analizuar me vëmendje gjithçka, nuk arrij ta shpjegoj këtë situatë. Ndoshta kjo mund të jetë ndeshja ime e fundit. Do të bisedoj me presidentin, pasi unë nuk mendoj se Tirana është për mbijetesë dhe duhet të dalë nga kjo gjendje.
A e kishe menduar kaq të vështirë situatën te Tirana?
Ne të gjithë e kemi pranuar që Tirana luan mjaft mirë futboll, por rezultatet janë ato që matin ecurinë e një skuadre, pikërisht rezultatet na kanë munguar. Megjithatë për momentin nuk jam në gjendje të shpjegoj këtë situatë.