Connect with us

Hi, what are you looking for?

Featured

Përmbysja e radhës, Ancelotti: Pjesa e dytë për kornizë, çfarë më tha Vinicius për golin

Real Madrid dhuroi përmbysjen e radhës, këtë herë përballë Sevillas në transfertë. Ekipi i Carlo Ancelottit e mbylli pjesën e parë në disavantazh të dyfishtë, por zhvilloi një fraksion të dytë fantastik dhe triumfoi 2-3 falë golit të Karim Benzema në minutat shtesë.

Rekord për sulmuesin francez, i cili është ngjitur në kuotën e 25 golave në La Liga, shifër që e ka arritur për herë të parë që prej kohës kur u transferua në “Santiago Bernabeu” (2009).

Trajneri Ancelotti vlerësoi karakterin e djemve të tij, të cilët ishin të papërmbajtshëm në pjesën e dytë. Reali nuk dorëzohet kurrë dhe pas PSG-së e Chelsea në Champions League, kompletoi një tjetër përmbysje të çmendur.

Ishte një fitore shumë e rëndësishme pas një pjese të parë të shëmtuar, ndërkohë që pjesa e dytë ishte spektakolare. Në fillim u dukëm të lodhur pas ndeshjeve në Champions, më pas patëm një reagim shumë të fortë me guxim, personalitet dhe dëshirë për të fituar.

Pjesa e dytë ishte për kornizë, luajtëm me një angazhim të përgjithshëm të paharrueshëm. Ky ekip është i aftë për të bërë gjëra të veçanta, nuk u dekurajuam pasi pësuam dy golat.

Arbitri? Nuk e kuptoj si është dorë te goli i Vinicius, por jo në rastin e Diego Carlos. Vinicius më tha se nuk e kishte prekur topin me dorë, dhe unë i besoj plotësisht lojtarit tim.

Reali ka zemër dhe cilësi. Akoma nuk e kemi fituar titullin kampion, por me këtë fitore u dhamë një sinjal të qartë të gjithëve”, deklaroi trajneri italian pas suksesit emocionues në Andaluzi.

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...

Featured

Aksionet e familjes Halili te Tirana dalin në shitje. Zyra e Përmbarimit privat Albase ka shpallur daljen në ankand të 66% të aksioneve të...

Lajme

Një thashethem i bujshëm po mbush mediat rozë në Itali, teksa këtë herë protagonistë janë mesfushori amerikan i Juventusit, Weston McKennie dhe motra e...