Përmbysje spektakolare e Watfordit që e sheh në finalen e FA Cup për herë të dytë në historinë e saj. Klubi i presidentit Pozo mposhti në mënyrë të pabesueshme në gjysmëfinalen e kthimit të Kupës së Federatës në Angli, Wolverhampton me rezultatin 3-2 dhe në datën 18 maj do të sfidojë Manchester Cityn në Wembley në finalen e madhe të këtij kompeticioni. Avantazhit të dyfishtë të skuadrës së Nuno Espirito Santo me Doherty dhe Raul Jimenez brenda 62 minutave lojë ju kundërpërgjigjën Deulofeu dhe Deeney me një penallti në minutën e 94-t që e çoi ndeshjen në shtesë. Pak para fundit të shtesës së parë sulmuesi spanjoll Gerard Deulofeu realizoi golin e fitores 3-2 për Watford dhe i hoqi kualifikimin nga duart Wolves-it që dukej pothuajse i sigurtë.
