Nottingham Forest është në kërkim të pikëve të para në Premier League dhe sot luajnë ndaj West Ham, por kjo nuk pengon drejtuesit që të punojnë në merkato.
”The Reds” kanë zyrtarizuar pikërisht ish-mbrojtësin e “Hammers”, Cheikhou Kouyate, i cili 4 sezonet e fundit ishte pjesë e Crystal Palace.
32-vjeçari vjen si lojtar i lirë pasi i përfundoi kontrata me “Shqiponjat” në këtë qershor.
Senegalezi do të luajë kështu sezonin e tij të 9-të radhazi në Premier League, ndërsa sjell shumë eksperiencë në prapavijën e Nottingham.
Koyate ka luajtur gjithashtu për Anderlecht dhe Kortrijk në Belgjikë, ndërkohë në “ishull” numëron 288 ndeshje dhe 18 gola.