Hap pas hapi, por në drejtimin që PSG dëshiron. Negociatat për rinovimin e kontratës së Kylian Mbappésë po përparojnë. Sipas medieve franceze, tashmë ka pasur dy takime mes përfaqësuesve të futbollistit dhe klubit për të diskutuar zgjatjen e kontratës së sulmuesit francez me ekipin parisien.
“Ne po flasim dhe duam të vazhdojmë të flasim dhe mendoj se Mbappé gjithashtu e dëshiron këtë. Tani është koha që të kemi një ide më të qartë për të ardhmen e tij dhe ne kemi bërë hapa përpara krahasuar me 10 ditë më parë”, – tha Leonardo, drejtori sportiv i PSG-së disa ditë më parë.
Mbappé, i cili luajti në finalen e fundit të Championsit, dëshiron garanci se ai do të luftojë përsëri për titullin e madh kontinental. Pasi arriti 100 gola me PSG, vetë Mbappé i shkeli syrin klubit, veprim që lidhet me vijimin me bisedimeve. Nëse te PSG ishin pesimistë për të ardhmen e “yllit” të tyre, tani panorama ka ndryshuar dhe ata besojnë më shumë në vazhdimësinë e “farit” të projektit të tyre.
Ndërsa rreth PSG-së ka bisedime dhe spekulime, sidomos pas fjalëve të Neymarit që dëshiron të luajë me Messin (me shumë mundësi në Paris), klubi e ka të qartë se përparësi është vazhdimësia e Mbappésë.
