Nuk ka qetësi në shtëpinë e Barcelonës edhe pas fitores së fundit, në “Camp Nou”, kundër Levantes. Tensionin që mbizotëron në kampin “blaugrana” për shkak të rezultateve të dobëta, që u pasuan me ndryshimin e trajnerit, e vërteton përplasja mes Eric Abidalit dhe Lionel Messit, që në njëfarë mënyre ka shkaktuar tërmet te kampionët në fuqi të Spanjës.
Kapitenit të Barcelonës nuk i kanë pëlqyer deklaratat e sekretarit teknik në të përditshmen “Sport”. Duke folur për largimin e Valverdes dhe zëvendësimin e tij nga Setein, Abidal tesktualisht do të shprehej:
“Shumë lojtarë nuk ishin të kënaqur, nuk punojnë shumë dhe kishte probleme me komunikimin e brendshëm. Marrëdhënia mes trajnerit dhe futbollistëve gjithmonë ka qenë e mirë, por si ish-futbollist arrij t’i kuptoj disa gjëra. I kam thënë klubi se çfarë mendoja dhe më është dashur të marr një vendim.”
Messi ka vendosur që këtyre fjalëve të ish-shokut të tij të skuadrës t’u përgjigjej me një postim në Instagram:
“Sinqerisht, nuk më pëlqen të bëj gjëra të tilla, por mendoj se të gjithë duhet të marrin përgjegjësitë që punën që u takon. Lojtarët përgjigjen për atë që ndodh në fushë dhe ne kemi qenë të parët që e kemi pranuar kur nuk kemi luajtur mirë. Kur flitet për lojtarët, duhet të japësh emra, ndryshe i lëndon të gjithë më gjërat që thua, që nuk janë të vërteta.”
Përplasja Messi-Abidal ka alarmuar kupolën drejtuese të Barcelonës. “El Mundo Deportivo” shkruan se presidenti Bartomeu mund të marrë që sot vendimin për të shkarkuar francezin.