Një lojë futbolli është e karakterizuar edhe nga nervat, megjithatë në shumicën e rasteve protagonistët i lënë hatërmbetjet në fushë e blertë. Gjithsesi, ka raste kur konfliktet janë edhe më serioze e vazhdojnë në dhomat e zhveshjes, apo në parking siç i ka ndodhur lojtarit të Oldham në Angli, Hallam Hope.
Ky i fundit u sulmua në parking dhe prej plagëve të marra ishte e detyrueshme të transportohej në spital për të marrë mjekimin e duhur. Në lidhje me këtë rast, autoritetet kanë nisur hetimet ndërsa dyshimi kryesor është ai i përfshirjes në sherr të një lojtari të Chesterfield, kundërshtarit të Oldham këtë fundjavë.
Në fakt, klubi i Oldham ka depozituar në polici një video të sulmit ndaj lojtarit të tyre duek ngritur akuza ndaj kundërshtarëve, mirëpo autoritet nuk kanë dalë në një përfundim edhe pse hetimet janë të drejtuara në këtë drejtim, pra ekziston një mundësi e lartë që Hope të jetë sulmuar nga një prej kolegëve të skuadrës kundërshtare dhe në vijim mund të ketë masa konkrete të policisë.