Manchester United-Tottenham përfundoi 3-2 për vendasit, të cilët siguruan tre pikë fantastike për objektivin Champions League përballë një rivali direkt. Cristiano Ronaldo ishte ylli i ndeshjes me tre golat e realizuar për “Djajtë e Kuq”.
“Po flasim për një futbollist që ka qenë gjithmonë vendimtar dhe protagonist në karrierën e tij. Pa CR7, United do e kishte të vështirë të merrte edhe barazimin përballë nesh. Ai e tregoi përsëri se çfarë lojtari është”, deklaroi Antonio Conte pas ndeshjes.
Trajneri italian i Tottenham ndihet keq për këtë humbje. “Humbje e vështirë për t’u shpjeguar, nuk mendoj se e merituam të humbnim, por në të njëjtën kohë duhet të kuptojmë se ku duhet të përmirësohemi.
Kemi nevojë për më shumë eksperiencë në situata të caktuara. Në fushë jemi përmirësuar shumë, por përvoja është një gjë që nuk mund të blihet. Ne kemi shumë lojtarë të rinj në ekip, shpresoj që ata të mësojnë nga kjo disfatë”, deklaroi Conte.
[quiz-cat id=”297576″]