Argjentina zhvilloi një miqësore ndaj Curacaos mbrëmjen e së martës teksa Kampionët e Botës u treguan të pamëshirshëm ndaj kundërshtarëve modest duke fituar me shifrat 7-0. Pesë gola kombëtarja albiceleste i shënoi në pjesën e parë mes të cilëve bie në sy edhe tregolëshi i Lionel Messit.
Për “pleshtin” ishte një mbrëmje speciale duke qenë se regjistroi golin numër 100 me fanellën e Argjentinës. Në fraksionin e dytë, albicelestët festuan edhe me Di Maria e Montiel ndërsa për Curacaos nuk mbetej tjetër veçse të “shijonte” spektaklin e yjeve amerikano-latinë. Gjithsesi, nëse dikush mendon se portieri i Curacaos përjetoi një makth e ka gabim, pasi Eloy Room tregoi pas ndeshjes se ndjehej me fat pasi ia doli të merrte fanellën e Lionel Messit.
Lexo edhe:
- VIDEO/ Kosovë e vakët, pikë zhgënjyese ndaj modestëve të Andorrës
- VIDEO/ Sylvinho s’e grumbulloi, i dhuron fitoren skuadrës italiane
- VIDEO/ Messi shënon golin numër 100 me Argjentinën, Kampionët e Botës fitojnë 7-0
- “Futboll i shpifur”, Rodri i ashpër me Skocinë: Mendjen te provokimet, edhe arbitri ka faj!
“Në fund të ndeshjes iu afrova Messit. Më komplimentoi duke më thënë se bëra disa pritje të bukura. Arrita t’i marrë fanellën dhe kam përshtypjen se nuk do ta heq më nga trupi im. Madje, do të flej edhe gjumë me bluzën e Messit”, u shpreh Room.
