Phil Neville u bashkohet ish-“yjeve” të tjerë të Manhester United, që kritikojnë mënyrën sesi po menaxhohen “Djajtë e Kuq”. 42-vjeçari, aktualisht në krye të përfaqësueses së femrave të Anglisë, shprehet se diferencat me skuadrën tjetër të Manchesterit, City-n, janë të mëdha. Sipas tij, që kur u largua Alex Ferguson, klubi ka braktisur filozofinë e tij.
“Gjatë pesë viteve të fundit, keni parë një ekip që është larguar nga vizioni dhe filozofia e tij. Tek City, Liverpooli dhe Tottenham, themelet e klubit janë vërtet të forta. Ata kanë një sistem dhe një stil të lojës dhe një metodë të provuar dhe të besuar, ndërsa United duket se po shkon majtas dhe djathtas, por kurrë përpara me ndërrimin e trajnerëve.”
Vëllai i Gary Neville, shkon më tej, duke sugjeruar që klubi t’i kthehet markës së vjetër.
“Ata duhet të kthejnë markën, atë që tek United kanë ditur ta bëjnë më së miri, një markë të futbollit e cila nuk ka qenë vetëm sinonim i Sir Alex Ferguson, ka qenë prej vitesh i Sir Matt Busby, Ron Atkinson… Shpresoj të hidhen themelet në akademi.”
Phil Neville e ka të qartë që do të duhet kohë dhe durim që Manchester United t’u kthehet kohëve të lavdishme.
“Ndryshimi, sigurisht që nuk vjen menjëherë, por shpresojmë që me muskujt e djemve (ish-futbollistët, Solskjaer, Mick Phelan, Michael Carrick and Nicky Butt) dhe me mbështetjen financiare që nuk mungon, United të rikthehet, sepse nuk mund të shikojmë City-n të fitojë gjithmonë.”