Connect with us

Hi, what are you looking for?

Kupa e Italisë

Pioli: Krenar për skuadrën, ja pse nuk duhej dhënë penalltia

Pas 45 minutave perfekte në derbin e të dielës përballë Interit, Milani i Piolit dominoi për më tepër se 70 minuta edhe në sfidën e Kupës së Italisë përballë Juventusit mbrëmjen e djeshme, por në fund nuk shkoi më shumë se një barazim.

Tekniku i kuqezinjve u paraqit në konferencën e zakonshme për shtyp në përfundim të takimit dhe deklaroi se është shumë i kënaqur me performancën e lojtarëve të tij, që interpretuan në mënyrë perfekte ndeshjen ndaj bardhezinjve.

“U kam kërkuar lojtarëve të mi të dalin nga fusha pa pishmane, pasi kemi dhënë gjithçka brenda 90 minutave. Jam krenar për paraqitjen e bërë, ndonëse meritonim të merrnim më tepër se thjesht një barazim. Megjithatë do të provojmë të ndryshojmë gjithçka në ndeshjen e kthimit”, deklaroi Pioli.

Për më tepër se 70 minuta Milani ishte zot i “San Siros” dhe po bënte të vuajë Juventusin, por episodet si kartoni i kuq ndaj Theo Hernandez dhe penalltia në minutën e parë shtesë, bënë që kuqezinjtë të mos marrin më tepër se një pikë.

“Nuk e kuptova pse u akordua penallti ajo e Calabrias, pasi lojtari ishte në rënie dhe me shpinë nga topi, ndaj prekja ishte tërësisht e pavullnetshme. Aksioni i Juves nisi nga një faull i pastër i Alex Sandros ndaj Ibrës, por edhe prekja me dorë ishte e njëjtë me rastin e Cerrit, që në një takim me Rizzolin, u tha se nuk ishte penallti, pasi prekja ishte e pavullnetshme. Nuk po kuptohet asgjë për prekjet me dorë, pasi arbitrat po i japin kur duan”, u shpreh trajneri i Milanit.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...