Spanja mund të ketë një tjetër mungesë të rëndësishme në sfidën e kësaj të Premteje ndaj Shqipërisë. Bëhet fjalë për mbrojtësin e Barcelonës, Gerard Pique. Deklaratat e këtij të fundit se është katalanas dhe dëshiron pavarsinë e Katalunjës, kanë ngjallur irritimin e tifozëve të përfaqësues La Roja, të cilët e ka kontestuar ashpër dhe e kanë vërshllyer mbrojtësin në stërvitjen e parë të Spanjës për ndeshjen me kuqezinjtë.
Për më tepër 30-vjecari ka prishur edhe raportet me shokun e tij të repartit në kombëtare, kapitenin e Realit të Madridit Sergio Ramos dhe gjasat janë që Pique të largohet nga grumbullimi i Spanjës dhe të mungojë në dy sfidat e fundit të grupit G kualifikues për Botërorin Rusi 2018, pasi prania e Piques në skuadër ka sjellë irritimin e tifozëve dhe është bërë e padurueshme.
