Connect with us

Hi, what are you looking for?

Serie A

Pirlo: Besojmë ende te titulli kampion, Chiesa na duhet në krah

Menjëherë pas barazimit në transfertën ndaj Veronës, Juventusi ka mundësi të rikthehet te fitorja në kampionat, pasi do të presë nesër në mbrëmje Spezian e Vincenzo Italianos, në një ndeshje ku 3-pikët janë detyrim për bardhezinjtë.

Trajneri Andrea Pirlo doli sot në konferencën e zakonshme për shtyp dhe foli me superlativa për kundërshtarin, duke kërkuar impenjim maksimal nga të tijtë, teksa theksoi se ekipi beson ende te titulli kampion.

“Spezia është një skuadër që ka treguar se është në lartësinë e Serisë A, pasi ka ditur të marrë rezultate edhe ndaj ekipeve shumë të forta, ndaj duhet të bëjmë shumë kujdes nesër. Skuadra beson ende te titulli dhe këtë e shoh te serioziteti me të cilin punojnë djemtë çdo ditë, por për momentin duhet të mendojmë vetëm për Spezian”, deklaroi Pirlo.

Në fundjavë bardhezinjtë i pret një tjetër përballje e vështirë, ajo ndaj Lazios në “Olimpico”, megjithatë Pirlo mohoi mundësinë e një rotacioni ndaj Spezias, pasi theksoi se zgjedhjet do t’i bëjë vetëm në bazë të organikës.

“Zgjedhjen e formacionit ndaj Spezias do ta bëjmë në bazë të lojtarëve që kemi në dispozicion, jo të ndeshjes së fundjavës. Na është rikthyer Danilo dhe tani kemi mundësi të luajmë edhe me 4 mbrapa, megjithatë kemi ende probleme në sulm. Në krah të Ronaldos besoj se do të luajë sërish Kulusevksi, pasi Chiesa po bën shumë mirë në krah dhe nuk kam ndërmend t’i ndryshoj pozicion”, tha trajneri i Juventusit.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...