Duhet të luajmë siç kemi bërë kohët e fundit. Kjo sfidë e madhe na jep mundësinë për të shkuar në finale, një objektiv që ne duam ta arrijmë. Do të jetë një ndeshje e vështirë, por ne jemi të përgatitur për ta përballuar në mënyrën më të mirë të mundshme”.
Kjo është mënyra se si Andrea Pirlo karikon skuadrën e tij në prag të ndeshjes së kthimit me Interin në gjysmëfinale të Kupës së Italisë. Juventusi i gëzohet epërsisë 2-1 të arritur në “San Siro”, por pa neglizhuar në përballjen e “Allianz Stadium”.
“Ata janë shumë të organizuar. Ne e njohim mirë Conten, e dimë që kanë lojtarë shumë të forte. Kanë rikuperuar Hakimin dhe Lukakun, të cilët janë thelbësorë. Duhet të jemi të kujdesshëm “, – shtoi trajneri i Juventusit,
Pirlo nuk e kishte aspak problem të zbulonte emrat që do të hidhte në fushë .
“Grupi është në rregull përveç disa problemeve që do t’i vlerësojmë nga dita në ditë. Buffon do të kthehet në portë, Kulusevski gjithashtu do të luajë nga minuta e parë. Ne jemi shumë pozitive dhe besojmë në atë që bëjmë. Kemi objektiva specifikë që duam t’i arrijmë dhe po punojmë për ta. Humbjet na kanë bindur se kemi cilësi dhe se mund të bëjmë gjëra të mëdha.”