I kënaqur nga fitorja në ndeshjen e parë gjysmëfinale të Kupës së Italisë, ndaj Interit, trajneri i Juves, Andrea Pirlo, shpjegoi se kthesa e skuadrës së tij erdhi me suksesin në Superkupën e Italisë, ndaj Napolit.
“Ajo humbje në kampionat, në derbin e Italisë, ishte një hap bosh. Nga ai moment u rigrupuam dhe erdhën fitore të tjera. Sonte ishte raundi i parë, nuk kemi bërë gjithçka akoma, prisni javën e ardhshme. Kjo fitore gjithashtu na lejon të përmirësohemi nga pikëpamja e ndërgjegjësimit të ekipit për forcën që kemi. E dimë që nëse jemi të përqendruar, të gjitha skuadrat e kanë shumë të vështirë ndaj nesh.”
Lidhur me reagimin e Ronaldos në momentin e zëvendësimit, Pirlo Sqaroi:
“Është normale, sepse zëvendësohesh në një ndeshje si kjo, dëshiron të vazhdosh të ndihmosh shokët tuaj të skuadrës, por gjithashtu duhet të mendojmë për kampionatin, pasi shtunën kemi një sfidë të rëndësishme. Ishte e drejtë ta nxirrnim në atë moment”.
