Kamza ndal sërish Skënderbeun, këtë herë në Korçë dhe konfirmon se barazimi I fazës së parë nuk ishte një rastësi. Skuadra e drejtuar nga Ndreu arriti të marrë një barazim 1-1, ashtu si në fazën e parë, ndërsa këtë herë edhe Sebino Plaku shijoi hakmarrjen personale ndaj korçarëve.
Skënderbeu kaloi pari në avantazh, me anë të mbrojtësit kroat, Radas, në minutën e 66’, ndërsa kapiteni Plaku barazoi për Kamzën, vetëm në minutën e 89’. 5 minutat shtesë nuk mjaftuan për të shijuar një tjetër gol, ndërsa skuadra e Ndreut konfirmoi edhe një herë se mund të përballet me këdo në Superligë.
https://www.facebook.com/Digitalb/videos/1413885392042713/
Vllaznia humb sërish në Durrës dhe zhytet në krizë, teksa mbetet në vendin e parafundit, me një pikë më tepër se Lushnja. Skuadra e Gjokës nuk arriti të shfrytëzojë freskinë fizike ndaj durrsakëve, të cilët luajtën edhe në mesjavë, ndërsa ashtu si në ‘Loro Boriçi’, edhe sot vendimtar ishte një gol i Arbër Çyrbja-s, në minutën e 15’.
Më herët, Flamurtari arriti të mposhtë Lushnjën, me një gol të shënuar vetëm në minutën e 90’, falë mesfushorit Liçaj. Ky i fundit erdhi nga stoli dhe me një goditje të bukur, zhbllokoi një sfidë që po shkonte drejt barazimit. Java e 11 e Superligës do të mbyllet nesër me sfidat Luftëtari-Laçi dhe Kukësi-Partizani, ndërsa deri tani renditja kryesohet nga Skënderbeu, me 27 pikë, i ndjekur nga Flamurtari me 20 dhe Kukësi me 19.
https://www.facebook.com/Digitalb/videos/1413739002057352/
