Connect with us

Hi, what are you looking for?

Basketboll

Play Off/Fitojnë 76ers dhe Blazers, gjithçka vendoset në sfidën finale

U luajtën dy sfidat e radhës të fazës play off në NBA dhe në të dy rastet fituan skuadrat vendase, duke barazuar në 3-3 serinë e gjysmëfinaleve në konferencat respektive.

Kështu, në Lindje, Philadelphia 76ers triumfuan 112-101 ndaj Toronto Raptors. Vendasit zhvilluan një lojë korale, me të gjithë basketbollistët e formacionit bazë me numër dyshifror pikësh. Edhe pse diferenca finale ishte vetëm 11 pikë, ekipi nga Pennsylvania e dominoi nga fillimi deri në fund kundërshtarin. Jimmie Butler shënoi 25 pikë, ndërsa Ben Simmons spikati me 21 pikë, 6 asiste dhe 8 rikuperime, duke u hequr vlerën 29 pikëve dhe 12 rikuperimeve të “yllit” të Raptors, Kawhi Leonard.

Edhe Portland Trail Blazers nuk u japin mundësi Denver Nuggets të festojnë para kohe kualifikimin. Në sfidën e 6-të të zhvilluar në “Moda Center” të Portlandit, të zotët e shtëpisë dominuan me rezultatin 119-108 nën udhëheqjen e Lillard e McCollum, respektivisht me 32 dhe 30 pikë.

Nikola Jokic bëri gjithçka për skuadrën nga Colorado, por 29 pikët dhe 12 rikuperimet e tij rezultuan të pamjaftueshme për të shmangur humbjen. Tashmë sfida e fundit, që do të përcaktojë të kuakifikuarën e këtij çifti do të zhvillohet në “Pepsi Center” të Denverit.

 

 

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...