Rusi 2018

Play-off, pritet short i favorshëm për Italinë dhe Kroacinë

Italia është një nga kombëtaret e mëdha që ende nuk ka siguruar kualifikimin në Botëororin rus. Të Kaltërit e Venturës duhet të kalojnë edhe pengesën e fundit që është Play-offi për tu bërë pjesë e Rusi 2018.

Gjithsesi në shortin që do të hidhet në 17 tetor, 4-herë kampionët e Botës do të jenë një nga 4 kokat e serisë duke evituar kështu përballje të forta me Kroacinë apo Zvicrën.

Në vazon e parë sëbashku me Italinë, përfaqësuesen helvete dhe atë ballkanase do të jetë edhe Danimarka pasi këto 4 përfaqësuese kanë grumbulluar më shumë pikë nga skuadrat e renditura të dytat në grupet respektive. Në vazon e jo favoritëve do të jenë Suedia, Irlanda e Veriut, Greqia dhe Republika e Irlandës, ndërsa ka mbetur jashtë si e dyta më e dobët Sllovakia. Italianët por edhe kroatët e zviceranët synojnë të evitojnë Suedinë në shortin e 17 tetorit.

 

To Top