Skuadra franceze Lille i ka bërë një nisje të mirë sezonit, duke u renditur në vendin e dytë në klasifikim, pas gjigantëve të PSG. Sigurisht meritë për këtë ka edhe mesfushori Thiago Mendes, një nga lojtarët i cili ka rënë në sy për paraqitjet e mira. 26-vjeçari ka tërhequr vëmendjen e disa ekipeve, midis të cilave edhe asaj kineze të Guangzhou Evergrande. Skuadra e drejtuar nga italiani Canavaro, dështoi të fitonte titullin kampion në sezonin e sapo mbyllur në Kinë dhe kërkon që të përforcohet për sezonin e ri. Për këtë, klubi ka bërë një ofertë 15 milionë euro për mesfushorin brazilian, që zor se do të pranohet nga Lille, që pretendon të paktën 25 milionë euro. Për Mendes nuk ka munguar edhe interesimi i PSG apo Monaco si dhe klubeve nga Premier League.
