Reims është një prej skuadrave surprizë në kampionatin francez dhe ky edicion ka qenë fantastik për ekipin dhe jo vetëm.
Folarin Balogun, sulmuesi i cili është në formë huazimi nga Arsenal, ka treguar të gjithë potencialin duke mahnitur me formën dhe golat e tij në Francë.
Lexo edhe:
- “Kur isha fëmijë më merrej goja”, Upamecano: Kam vuajtur shumë, kalova trauma!
- Tottenham nis punën për skuadrën e re, sulmuesi gati të firmosë me “Spurs”
- Leicester gjen pasuesin e Rodgers, drejtuesit i besojnë 52-vjeçarit anglez
- Të kënaqur me Joao Felix, te Chelsea duan ta blejnë portugezin
21-vjeçari nuk mori “bekimin” e trajnerit Mikel Arteta në fillimin e këtij edicioni dhe londinezët vendosën ta dërgonin te Reims, një lëvizje e cila deri më tani ka rezultuar e goditur për të tri palët, për Reims, për vetë lojtarin dhe në fund edhe për Arsenalin.
Sulmuesi ka realizuar 19 gola në 31 ndeshje me Reims dhe renditet në vendin e katërt në listën e golashënuesve në kampionatin francez, me anglezin i cili ka shënuar pothuajse gjysmën e golave të skuadrës.
Një formë që natyrisht ka dërguar menjëherë sinjale në Londër dhe trajneri Mikel Arteta ka nisur menjëherë kontaktet me lojtarin dhe drejtuesit, me këta të fundit që shumë shpejt do të takohen me Balogun për t’i bërë të ditur planin për të ardhmen.
