Rënkimat e tenistëve gjatë një ndeshjeje, janë më se të zakonshme dhe njësoj ndodh edhe në stërvitje, megjithatë këtë herë austriaku Dominic Thiem ka përfunduar në shënjestër pikërisht për shkak të tyre.
Teksa ishte duke u stërvitur në shtëpinë e tij, në qytetin austriak të Traiskirchen, Thiem pa që t’i trokisnin në derë agjentët e policisë, të cilët ishin telefonuar nga fqinjët, me pretendimin se në shtëpinë e tenistit po luhej një film porno dhe rënkimat ishin bërë shqetësuese.
Gjithçka ëshët sqaruar shpejt mes tenistit dhe policisë, teksa vetë Thiem ka komentuar episodin për një radio austriake, ku ka shpjeguar se ishte duke u stërvitur në shtëpi, pa bluzë dhe kjo nuk ishte hera e parë që bënte diçka të tillë.