Armando Broja kthehet në dispozicion të Mauricio Pochettinos për ndeshjen e së hënës përballë Tottenhamit, në derbin e Londrës. Sulmuesi kuqezi, i cili për shkak të një shqetësimi fizik nuk dha kontribut as për Kombëtaren në ndeshjet përballë Çekisë në eliminatore dhe me Bullgarinë në miqësore, do të grumbullohet për sfidën e radhës, edhe pse mbetet në dyshim nëse do të luajë titullar.
“Tani duhet ta vlerësojmë për të parë nëse është gati të luajë nga minuta parë të hënën. Ndoshta ai do të jetë i disponueshëm për të qenë në stol. Ai po stërvitet sot dhe shpresoj se mund të përfshihet,” deklaroi trajneri i Chelsea-t.
Lexo edhe:
- Air Albania në kapacitet maksimal, biletat mbarojnë për pak orë
- Stuhia Ciara godet Shqipërinë, FSHF shtyn disa ndeshje të fundjavës
- “Faleminderit Spalletti, por ndihem argjentinas”, talenti i Serie A refuzon Italinë
- Ndryshon organizimi i “Topit të Artë”, ndërhyn edhe UEFA! Shtohen dy çmime të reja
Armando Broja vetëm pak kohë më parë është rikthyer pas një periudhë të gjatë në infermieri, si pasojë e një dëmtimi të rëndë në gju dhjetorin e kaluar.
Ai këtë sezon është aktivizuar në vetëm tri ndeshje (122 minuta në total), në dy prej të cilave titullar, dhe ka shënuar një gol në fitoren 0-2 përballë Fulhamit në derbi.
Rikthimin e Brojës në fushë e mirëpresin edhe te Shqipëria para dy sfidave të fundit të eliminatoreve përballë Moldavisë në transfertë dhe ndaj Ishujve Faroe në “Air Albania”.
