Mauricio Pochettino u shkarkua nga PSG pas një viti në krye të parisienëve teksa dështimi në Champions League, rezultoi vendimtar për fatet e trajnerit argjentinas. Megjithatë, ka edhe nga ata që besojnë se një prej atyre që ndikoi në shkarkimin e 50-vjeçarit ishte Kylian Mbappe. Megjithatë, vetë Pochettino nuk e beson diçka të tillë teksa shprehet se vendimet në klub i merr vetëm presidenti AL-Khelaifi.
“Mendoj se PSG bëri gjithçka që të mbante në skuadër Mbappe-në dhe këtë e shoh si diçka të drejtë. Është një nga lojtarët më të mirë në botë dhe PSG duke pasur shumë resurse në dispozicion ia doli ta bindë.
Por, unë nuk e mendoj në asnjë mënyrë se Mbappe është përgjegjës për projektin e ri të klubit. Në klub, vendimet i merr vetëm një person dhe ai është presidenti. Për shkarkimin tim, mendoj se presidenti ka menduar se ishte i nevojshëm një ndryshim”, u shpreh Pochettino.
