Mauricio Pochettino është zyrtarisht trajneri i ri i PSG. Argjentinasi pason në këtë rol, gjermanin Thomas Tuchel, i cili u shkarkua disa ditë më parë nga drejtuesit e kampionëve të Francës.
Pas 18 vitesh kur u largua si futbollist, Pochettino është rikthyer te PSG këtë herë në rolin e trajnerit. Argjentinasi, i cili u shkarkua nga stoli i Tottenham në nëntor të 2019-ës ka firmosur deri në verën e vitit 2022 me PSG, me opsion rinovimi edhe për një tjetër sezon.
Pochettino u shfaq shumë i lumtur për rikthimin në kryeqytetin francez duke e cilësuar Parisin si klubin e tij më të rëndësishëm që ka qenë ndonjëherë si futbollist dhe si trajner. Ai falenderoi drejtorin sportiv Leonardo për këtë mundësi që i ka dhënë duke nënvizuar se do t’ia shpërblejë me punë dhe rezultate.