Paul Pogba pritet të jetë jashtë fushës për rreth një muaj pasi testet mjekësore të kryera mëngjesin e sotëm në Torino zbuluan një dëmtim në aduktorin e kofshës së djathtë.
Sipas njoftimit të dhënë nga Juventusi, lojtari francez tashmë ka filluar trajtimin. Koha e riaftësimit nuk është përcaktuar nga klubi, por “Gazzetta dello Sport” shkruan se bëhet fjalë për të paktën 20 ditë.
Pogba u rikthye te “Zonja e Vjetër” këtë sezon pas gjashtë vitesh te Manchester United dhe, pas një dëmtimi të rëndë të pësuar gjatë fazës parasezonale, bëri vetëm dy paraqitje, të dyja si zëvendësues, për klubin torinez: më 28 shkurt, kundër Torinos dhe më 5 mars, kundër Romës.
LEXO EDHE:
- VIDEO/ Rrahmani gjen rrjetën dhe vulos fitoren e Napolit ndaj Atalanta-s
- VIDEO/ Seferi i pandalshëm, shënon golin e shtatë në Ukrainë
- Guardiola elozhe për mesfushorin: I shkëlqyer, por jo sa unë! Kundër Crystal Palace ishim perfekt
- Mposhti sëmundjen e keqe dhe i solli fat skuadrës kundër Liverpool, rikthehet pas 525 ditësh
Javën e kaluar, kundër Freiburgut, ai u la jashtë pasi mbërriti me vonesë për stërvitje. Lojtari u largua i mërzitur nga qendra mjekësore, pasi mori diagnozën, dhe nuk pranoi të jepte autografe për tifozët: “Më falni, nuk jam në humor të mirë”.
I lënduar është edhe Bonucci, i cili ka një hematomë në këmbën e majtë .
