Zënkat me Mourinho-n do ta largojnë Paul Pogba që në janar nga Manchester United, të paktën kështu është shprehur në një intervistë, ish-lojtari i “Djajve të kuq”, Paul Ince.
“Nëse kjo do të ndodhte në drejtimin e Sir Alex, ai do të kishte thënë një gjë: ‘Ai do të largohet. Largojeni nga këtu tani’. Kjo pasi ai nuk do të lejonte që ekipi te prishej për shkak të sjelljes së Paul Pogbas. Unë mendoj se fati i tij tashmë është mbyllur plotësisht dhe ai do të largohet në janar. Flasim për Mourinhon që do të shkojë para tij, por do të isha i hutuar nëse Ed Woodward e lejoi këtë gjë të ndodh”, tha Ince.