Nga 28 janari, deri më 28 shkurt, Atletico e Madridit ka regjistruar fitoren e 6 radhazi në kampionatin spanjoll.
‘Los Colchoneros’ këtë herë mposhtën me rezultatin e thellë 4-0 modestët e Leganesit dhe shkuan vetëm 4 pikë larg Barcelonës kryesuese, që do të zbresë në fushë nesër.
Ashtu si në Sevilla, edhe këtë herë hero ishte francezi Antoinne Griezmann, që shënoi të 4 golat e takimit, për t’ua larguar më pas mes një ‘Stand Ovation’-i të organizuar nga tifozët bardhekuq në ‘Wanda metropolitana’. Ky ishte goli i 7 i francezit, brenda 3 ditëve, pasi 3 i shënoi të dielën, në fitoren 2-5 ndaj Sevillas.
Tashmë skuadra e Simeones ka blinduar vendin e dytë, duke e çuar në 10 pikë diferencën nga Reali ndjekës dhe po vijon t’i bërë presion për kreun Barcelonës.