Sebastian Vettel “fluturon” para publikut të shtëpisë dhe fiton “pole position” në Çmimin e Madh të Gjermanisë.
Piloti i Ferrarit i mbylli provat e treta zyrtare me një kohë të jashtëzakonshme 1’11”212, duke mbajtur pas vetes në frymën e fundit Mercedesin e Bottas dhe Ferrarin e Raikkonen. Kualifikuese zhgënjyese për Lewis Hamilton, që u detyrua të tërhiqej pas sesionit të parë për shkak të një problemi teknik si rrjedhojë e daljes nga pista. Britaniku do të niset nga pozicioni i 14-të.
Një rast ideal ky për Sebastian Vettel pikërisht në garën e shtëpisë, ku pas plot 6 vitesh Ferrari arrin të fitojë “pole position”.
Koha e pilotit gjerman të “Kokëkuqes” është zyrtarisht një rekord i ri për kët pistë.
Përkrah Raikkonen, nga vija e dytë, do të niset Red Bulli i Verstappen.
