Një takim delikat, sic është Skëndërbeu- Partizani i Beogradit, pa diskutim që do të jetë dhe nën masa të larta sigurie nga ana e Policisë Shqiptare, në mënyrë që të shmanget cdo lloj incidenti i mundshëm. Në planin e masave të ndërmarra nga uniformat blu është mbledhur informacioni i duhur dhe do të mbahen nën vëzhgim tifozët ultras. Është bërë identifikimi i personave problematikë, që mund të shkaktojnë trazira. Ndërkohë, përpara futjes në ambientet e stadiumit “Elbasan Arena” do të kontrollohen imtësisht të gjithë personat si dhe pankartat që tifo-grupet do të mbajnë me vete, në mënyrë që të evindentohet dhe të shamnget cdo lloj mesazhi që mund të ketë përmbajte politike, etnike apo racore. Në mbështetje të Policisë Vendore Elbasan do të jenë Renea së bashku me Forcat e ndërhyrjes së shpejtë të Tiranës.
