Matteo Politano ishte një nga blerjet e Interit këtë verë, pasi paraqitja e bërë në sezonin e kaluar me fanellën e Sassuolos, e bindi Spallettin për ta veshur zikaltër.
Sulmuesi anësor ka gjetur shumë hapësira në këto javë të para me zikaltrit, teksa forma e tij sportive ka ardhur në rritje nga java në javë, gjë që e pranon edhe vetë Politano.
“Fillimisht vuajta disi, pro me kalimin e ditëve dhe të javëve, jam përshtatur gjithnjë e më shumë dhe sot mund të them me bindje, se jam shumë i lumtur që zgjodha të vij te Interi”, deklaroi sulmuesi zikaltër.
Matteo Politano tregon diferencën mes Interit dhe Sassuolos, ndërsa pranon se në Ligën e Kampionëve ka përjetuar emocione të veçanta, duke luajtur para 60 mijë tifozësh.
“Të luash para 60 mijë tifozëve është emocion i jashtëzakonshëm, dhe unë këtë e përjetova në sfidën ndaj Tottenhamit. Interi është një planet tjetër, krahasuar me Sassuolon dhe jam i lumtur që jam edhe unë këtu tashmë”, tha sulmusie Politano.