Italia arrin të fitojë me mjaft vështirësi kundër Shteteve të Bashkuara të Amerikës, në sfidën që u luajt në Belgjikë. Në “Luminus Arena” të Genkut, skuadra e Mancinit arriti të zhvillonte një lojë mjaft të mirë dhe të krijonte shumë raste për shënim me Chiesan, Berardin dhe Lasagnan, por arriti të zhbllokonte rezultatin vetën në fundin e takimit. Matteo Politano shfrytëzoi mjaft mirë pasimin e shokut të tij tek Inter, Roberto Gagliardini, duke mposhtur portierin Horvath, dhe duke realizuar gjithashtu golin e parë me fanellën e kombëtares. Pavarsisht se nuk arritën të kualifikohen për në playoffin e Ligës A, Italia duket se ka ndryshuar krejtësisht fytyrë me ardhjen e Roberto Mancinit. Ish-tranjeri i Inter dhe Manchester City ka arritur ti japë një fizionomi loje skuadrës, e cila tashmë duket mjaft e sigurt kur zbret në fushën e lojës. Tashmë, synimi kryesor për “të kaltrit” do të jetë kualifikimi në Europianin e vitit 2020, që do të luhet në 12 qytete, në kontinentin e vjetër.