Kapiteni i Flamurtarit, Artim Pollozhani, e pranoi nq “Gol pas Goli” se Flamurtari pati edhe fatin me vete në fitoren me Skënderbeun.
Ai ishte ky rezultat shpërblim për lojërat e mira?
Mendoj që ishte një shpërblim. Kemi zhvilluar ndeshje mjaft të bukura, por nuk kemi pasur fat. Sot na ndihmoi edhe pak fati. E kemi merituar totalisht këtë fitore. E kemi dominuar Skënderbeun gjatë 90 minuta. Çunat dhanë maksimumin, i përgëzoj. Ata që ishin në fushë dhanë maksimumin.
Rasti i golit të shënuar nga Otto John…
Në atë moment je i pafuqishëm. Edhe unë mund ta largoja atë top. E dëgjova zërin e Koliçit. Kur pashë topin, thashë hyri gol. Më pas na ndihmoi Zoti.
Si është klima në skuadër?
Klima në grup është super. Çunat punojnë dhe japin maksimumin. Reflektimi i klimës është kjo ndeshja e sotme. Meritojnë një bravo të madhe.
Për sa kohë mund të japë maksimumin një skuadër që nuk paguhet?
U jemi distancuar gjithmonë pyetjeve për pagesat. Për mendimin tim, varet nga karakteri i futbollistëve. Çdo futbollist që është këtu ëndërron për diçka më të mirë. Janë larguar disa futbollistë, po them që këta çuna po bëjnë edhe ndeshje më të bukura.
A kanë qenë problem futbollistët e larguar?
Jo, jo! Edhe Bushici edhe Alvesi të gjithë që kanë ikur, kanë qenë profesionistë, e kanë dashur këtë klub. Mbase është edhe ajo që iu jepet shansi dikujt, dhe ato e dëshmojnë në fushë që mund të japin maksimumin.