Volleyball

Polonia nuk fal, SHBA fiton me vuajtje

Kampionia në fuqi e Botës, Polonia nuk zhgënjeu përballë Porto Rikos që ishte shumë i thjeshtë për skuadrën lindore. Me një 3-0 të pastër polakët morën jo vetëm fitoren e dytë në grup por konfirmuan se me amerikano-qëndrorët e kanë pothuajse gjithmonë të thjeshtë, pasi në 5 ndeshje Porto Riko ka mundur t’i marrë vetëm 1 set në total. Dhe këtë herë muzika nuk ndryshoi me Poloninë që fitoi 25-14 në setin e parë ndërsa në të dytin arriti të triumfojë me shifrat 25-12. Në setin e tretë Porto Riko shënoi më tepër pikë, nëse mund të quhen tepër 15, me poloninë që fitoi pastër 3-0 dhe pa shumë vuajtje mbi parket. SHBA. arriti një tjetër fitore me vuajtje por që në këtë pikë të kompeticionit nuk ka shumë rëndësi. Amerikanët mposhtën 3-2 Australinë, teksa në setin e parë fituan me rezultatin e ngushtë 25-23 ndërsa në të dytin 25-20 duke krijuar përshtypjen se kishin marrë tashmë suksesin, por australinët nuk u dorëzuan dhe cuan ndeshjen në set final pas fitorve 25-22, 25-23. Ndërkohë që në setin e fundit, amerikanët treguan përvojën e tyre duke triumfuar dhe duke marrë fitoren e dytë në grup me rezultatin 3-2.

To Top