Connect with us

Hi, what are you looking for?

La Liga

Portierët bëhen protagonistë, nuk ka fitues në Barça-Atletico Madrid

Nuk ka fitues në sfidën direkte për titullin kampion në Spanjë, pasi Barcelona nuk shkoi dot përtej barazimit pa gola në “Camp Nou” ndaj Atleticos së Madridit, duke mos ia dalë që të parakalojë Los Colchoneros dhe të marrë kryesimin.

Një rezultat mjaft i mirë për Atleticon, por mbi të gjitha për Realin e Madridit, që ka një mundësi të artë të marrë kryesimin tre javë para fundit, nëse ia del të fitojë ndeshjen e saj nesër ndaj Sevillas.

Pjesa e parë nisi vrullshëm për Atleticon e Simeones, që i shkoi pranë golit që në minutën e 19’ me anë të Correas, por goditja e tij u prit bukur nga ter Stegen. Portieri gjerman u bë sërish protagonist në minutën e 34-t, duke bërë një pritje të bukur ndaj Llorentes dhe një tjetër spektakolare ndaj carrascos në të 37-ën.

Barça u zgjua ne Lionel Messin, që bëri një depërtim fantastik, duke dribluar disa kundërshtarë në minutën e 41-të dhe duke lëshuar një goditje mjaft të bukur nga jashtë zone, por Oblak u zgjat bukur dhe grushtoi topin në këndore.

Pjesa e dytë ishte mjaft e mirë për katalanët, që kërcënuan fillimisht me një goditje dënimi të ekzekutuar mirë nga Messi dhe shënuan edhe gol me Araujon, por anësori ndali gjithçka, duke akorduar një pozicion jashtë loje.

Vërshëllima finale e arbitrit la në fuqi rezultatin e bardhë 0-0, që i shkon më shumë përshtat Atleticos së Madridit, pasi “los colchoneros” ruajnë kryesimin me 77 pikë, dy më tepër se katalanët, kur kanë mbetur edhe 3 javë deri në fund.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...