Enea Koliçi është emri i rëndësishëm që do të mungojë në aventurën e Kukësit në aventurën në Champions League. Një zgjedhje e klubit, që vendosi ta mbajë portierin jashtë listës së skuadrës që do të luajë me La Valetan.
Edhe pse ka bërë bujë, vendimi nuk erdhi si befasi. Kjo edhe për faktin se sinjalet që Kukësi nuk do të mbështetet te Koliçi kanë ardhur prej kohësh.
Portieri është aktivizuar vetëm në të parën, nga tre miqësoret që veri-lindorët zhvilluan gjatë fazës përgatitore në Slloveni, ndërsa më pas trajneri Pacult zgjodhi që në portë të luante Maloku.
Gjithashtu, në testin e fundit, të luajtur në “Selman Stërmasi” ndaj Kastriotit në fushë zbriti Stivi Frashëri, i cili është rikuperuar dhe pritet të jetë ai titullari kundër Valetës, të martën e ardhshme më 11 korrik në ndeshjen në “Loro Boriçi”.
Koliçi humbi vendin e titullarit prej sezonit të kaluar te Kukësi, ndërsa një tjetër arsye përse klubi vendosi ta linte jashtë listës së Champions është edhe fakti që portierit i përfundon kontrata menjëherë pas kupave të Europës dhe do të jetë i lirë të zgjedhë një skuadër tjetër.
