Portieri i Genoas, Mattia Perin është futbollisti i radhës i Serisë A që infektohet nga koronavirusi. Gardiani kuqeblu ishte në shtëpi dhe kishte njoftuar drejtuesit për temperaturë, ndërsa menjëherë ishte hequr nga lista e të grumbulluarve.
Lajmi u dha nga vetë klubi gjenovez dhe u konfirmua edhe nga trajneri Maran, i cili shtoi se tani të gjithë futbollistët do t’i nënshtrohen ritestimit, për të parë nëse ndonjë tjetër lojtar mund të jetë infektuar nga Covid-19.
Ndërkohë avioni që duhej të çonte Genoan në Napoli për përballjen e nesërme, ishte planifikuar të nisej në orën 15:00, por për shkak të ritestimit, u shty dhe u vendos të fluturojë vetëm nesër në mëngjes.
Pikërisht për këtë arsye, Liga e Serisë A vendosi që edhe ndeshja Napoli-Genoa të shtyhet me tre orë, pra të startojë në orën 18:00, ndryshe nga sa ishte parashikuar për në orën 18:00. Kështu kuqeblutë do të kenë pak orë më tepër kohë për t’u çlodhur në Napoli.