Connect with us

Hi, what are you looking for?

Kategoria Superiore

Portieri i Teutës befason Partizanin, gol në ‘frymën e fundit’

Partizani nuk ka arritur t’i japë vazhdimësi rezultateve, pasi ka parë t’i rrëshqasë 3-pikëshi nga duart, në sekondat e fundit të sfidës me Teutën, në “Niko Dovana”.

Nga ana tjetër, Shpëtim Moçka është kthyer në një hero për durrsakët, pasi braktisi portën e tij në minutën e 95-të, për të dërguar topin në portën e Partizanit, pas një harkimi nga këndi.

Portieri vlonjat i Teutës gjeti kohën e duhur dhe goditi si një sulmues race me kokë, duke mposhtur kolegun e tij, Alban Hoxha. Sfida parashikohej të ishte shumë e vështirë, pasi Teuta ka nevojë emergjente për pikë, për t’iu larguar zonës së ftohtë, por edhe kryeqytetasit kanë objektiv që të arrijnë zonën europiane.

Takimi filloi me mjaft ritëm dhe Teuta fitoi shumë shpejt një 11-metërsh, por Alban Hoxha neutralizoi mirë goditjen e Arbër Çyrbja-s. Vetëm pak minuta më pas, ishte Gerhard Progni, që shënoi golin e vetëm të takimit, pas një topi të marrë në zonën e rreptësisë.

Minutat në vijim, skuadra e Starovës menaxhoi mirë lojën, duke larguar rrezikun nga zona dhe kundërsulmuar rrezikshëm. Por në minutën e 95-të, vendasit fituan një goditje këndi dhe topin e ardhur në zonë, e dërgoi në rrjetë portieri Moçka, që ngriti në peshë tifozërinë durrsake.

Me këtë barazim, Partizani shkon përkohësisht në vendin e 5-të me 32 pikë, ndërsa Teuta barazon Vllazninë me 22 pikë, por shkodranët luajnë nesër ndeshjen e tyre.

Asnjë surprizë, Skënderbeu dhe Kukësi bëjnë detyrën

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...