Futboll

Portland Timbers mposht Orlandon dhe triumfon në “MLS is back”

Ekipi Portland Timbers fitoi turneun “MLS is Back”, teksa mundi në finale Orlando City-n me rezultatin 2-1. Një mini kampionat në version të shkurtuar, i konceptuar pikërisht në këtë mënyrë nga drejtuesit e Ligës së Amerikës së Veriut, për t’iu ardhur në ndihmë skuadrave të ndryshme në Major League Soccer, për t’u përshtatur sa më mirë me periudhën e vështirë të pandemisë së koronavirusit.

Një aktivitet që filloi me vetëm 24 skuadra, pasi dy ekipe si Dallas dhe Nashville u tërhoqën pak përpara se të startonte turneu, ngaqë shumë lojtarë të këtyre skuadrave u prekën nga një valë e madhe infektimi me virusin COVID-19. Gjithçka nisi në Florida, në Bay Lake me ndeshjet në fazën e grupeve, në Kompleksin gjigant prej 79 hektarësh ESPN Wide World of Sports, pranë Qytetit të Orlandos, pa praninë e spektatorëve, për të vijuar më pas me ndeshjet me eliminim të drejtpërdrejtë.

Në fund të drejtën për të luajtur finalen e madhe e fituan pikërisht futbollistët e ekipit nga Oregoni, Portland Timbers si dhe lojtarët e skuadrës vendase Orlando City. Ekipi i drejtuar nga trajneri venezuelan Giovanni Savarese kaloi në epërsi pa u mbushur as gjysmë ore lojë. Argjentinasi Diego Valeri krosoi në shtyllën e dytë ku mbrojtësi nga Republika Demokratike e Kongos Larrys Mabiala shënoi me kokë, duke mposhtur portierin e përfaqësueses peruane Pedro Gallese.

Avantazhi zgjati vetëm 12 minuta, sepse pak përpara se dy ekipet të shkonin në pushimin mes pjesëve mesfushori uruguaian Mauricio Pereyra ia doli për të barazuar rezultatin. Goli i fitores u realizua nga një tjetër goditje standarde. Pas një goditje nga këndi futbollistët e drejtuar nga trajneri kolumbian Oscar Pareja nuk arritën të spastrojnë dot zonën e tyre dhe nga shumë pranë portës përfitoi pikërisht mbrojtësi kroat i ardhur nga Rijeka Dario Zupariç, që devijoi topin nga brenda zonës së vogël.

Skuadra nga Florida që ka në gjirin e saj edhe ish-futbollistin e Manchester United, lojtarin e përfaqësueses portugeze Nani u mundua të reagojë, megjithatë ekipi nga Oregoni e administroi avantazhin në mënyrën më të mirë të mundshme, për të fituar krejt takimin me rezultatin 2-1. Trofeu i parë për Timbers që nga titulli i fituar në vitin 2015 në Major League Soccer, që konfirmon qartë edhe formën shumë të mirë të Portlandit në prag të rifillimit të sezonit të rregullt.

Sezoni për vitin 2020 në MLS startoi në fundin e muajit shkurt dhe u ndërpre pak përpara mesit të muajit mars, ndërkohë gjithçka përsa i përket sezonit të rregullt do të nisë pa humbur kohë ditën e enjte, me duelin Dallas – Nashville, që do të luhet në Teksas, në Frisco në Toyota Stadium.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency