Portugalia e nis me poker golash aventurën nën drejtimin e Roberto Martinez. Për trajnerin spanjoll të sapoemëruar te luzitanët, nuk ishte starti më i mirë të testuar skuadrën e tij, gjithsesi fitorja me rezultatin 4-0 mund të konsiderohet premisë pozitive për të pasur sukses në drejtimin e përfaqësueses.
Luzitanët “asfaltuan” Lihtenshtajnin, që nuk i krijoi asnjë rrezik, duke i shënuar 4 gola, 2 prej të cilëve erdhën nga Cristiano Ronaldo.
Që do të ishte një formalitet, kjo u duk që pas 8 minutash lojë, kur Joao Cancelo mposhti portierin Benjamin Buchel.
Diferencat ishin të dukshme që në pjesën e parë, sidoqoftë në të dytën, portugezët thelluan avantazhin, duke fundosur kombëtaren modeste. Bernardo Silva shënoi vetëm dy minuta pas startit të pjesës së dytë, ku përfitoi nga një top jo i larguar siç duhet në zonë.
Cristano Ronaldo konvertoi saktë 11-metërshin në të 51′. Portieri e kuptoi krahun, por nuk arriti të ndalë goditjen e 38-vjeçarit.
Lexo edhe:
- Nga Messi te Skriniar, kontratat e yjeve të futbollit që skadojnë në verë
- “Blindohet” Napoli, Italia në alarm për huliganët anglez
- Nisin eliminatoret e EURO 2024, ndeshjet që mund të ndiqni në “SuperSport”
- Flet trajneri: Prenga një bishë, synon të pushtojë botën
Ish-lojtari i Manchester United realizoi direkt nga goditja e dënimit në minutën e 63′, duke goditur fort në krahun e Buchel, që edhe njëherë tjetër u gjend i pashpresë. Rekordet nuk ndalen për Cristiano Ronaldon. Tanimë, jo vetëm golashënuesi më i mirë në historinë e kombëtareve, por edhe lojtari me më shumë prezenca në ndeshjet e përfaqësueseve, me plot 197.
