Kombëtarja e Portugalisë përgatitet të nisë fushatën eliminatore për kualifikueset e Euro 2024 më datë 23 mars presin Liechtensteinit ndërsa pas tre ditëve udhëtojnë në transfertë ku përballen me Luksemburgun.
Interesant në këto ndeshje është edhe sjellja e luzitanëve në krye të trajnerit të ri Roberto Martinez. Ky i fundit shpalli ditën e sotme listën me lojtarët e grumbulluar teksa bie në sy fakti se pjesë e saj është edhe Cristiano Ronaldo. Rreth sulmuesit pati disa dyshime nëse do të ishte pjesë e luzitabëve pas zhgënjimit në Botëror por edhe moshës së tij 38-vjeçare.
Lexo edhe:
- Zyrtarizohet lista për Poloninë, ja risitë e Sylvinhos
- Shorti i Championsit, përplasje “gjigantësh” në çerekfinale
- Europa League/ Juventusi “peshkon” Sportingun, Man. United përballë Sevillas
- Mourinho “mbret” i ironisë: A ka një garë tjetër ku të luajë Lazio?!
Megjithatë, Martinez ka vendosur të mbështetet tek kapiteni i tij teksa do të jetë pikërisht CR7 ai që do të udhëheqë sulmin e luzitanëve në rrugën drejt Euro 2024 që zhvillohet në Gjermani. Në këto javë të para në Arabinë Saudite, Ronaldo ia ka dalë të gjejë rrugën e rrjetës tetë gola në nëntë ndeshje të zhvilluara me Al-Nassr.
