Geraldo Bajrami me skuadër të re. Mbrojtësi 22-vjeçar i lindur në Birmingem, i cili ka veshur 8 herë fanellën e Shqipërisë U21, ka firmosur me Notts County, klubin e katërt më të vjetër në historinë e futbollit.
Qendërmbrojtësi shtatlartë do të luajë në divizionin e pestë të futbollit anglez, teksa shkroi në rrjetet sociale: “Mezi po e pres këtë sfidë të re”.
Bajrami mbylli sezonin e fundit me Kidderminster në divizionin e gjashtë. Notts County ka siguruar edhe shërbimet e kapitenit të Kidderminster: Sam Austin.
Trajneri i Notts County, Luke Williams vlerësoi potencialin e lojtarit shqiptar: “Geraldo ka fizikun, dinamizmin, dëshirën dhe aftësinë për të luftojë një kundër një ndaj çdo kundërshtari, duke na dhënë gjithashtu qetësi dhe cilësi të jashtëzakonshme në fazën tonë të ndërtimit të lojës. Ne jemi vërtet të emocionuar për potencialin e tij“.
