Robert Lewandowski është ndalur edhe te Erling Haaland në intervistën e tij për Pilka Nozna. Goleadori i Bayern Munchen fitoi “FIFA Best 2021”, çmim që e vlerëson më shumë se “Topin e Artë”.
Krahasimit me Erling Haaland nuk i shpëton asnjëherë. Polakut i bëhet gjithmonë kjo pyetje, por ai ka vendosur përfundimisht të mos merret me bomberin e Borussia Dortmund.
Sulmuesin norvegjez e vlerëson shumë, atë e pret një karrierë fantastike përpara, por Lewandowski thekson se Haaland i duhet shumë punë për t’u kthyer një futbollist i nivelit të lartë.
“Haaland është një lojtar ndryshe nga unë. Ai është i fortë dhe i shpejtë, fizikisht është top. Fakti që ai ka një potencial të madh nuk do të thotë se do të bëhet një yll në vitet e ardhshme.
Nuk më pëlqen krahasimi midis një 33-vjeçari dhe një 21-vjeçari. Haaland është një futbollist madhështor, është kënaqësi ta shohësh duke luajtur, por secili ka rrugëtimin e tij të rritjes”, deklaroi sulmuesi i kampionëve të Gjermanisë.
[quiz-cat id=”288388″]