Reali i Madridit ka pak ditë në dispozicion për të gjetur një zëvendësues për Casemiron, i cili u shit në Angli te Manchester United për shumën e 70 milionë eurove përfshirë bonuset.
Pavarësisht se Carlo Ancelotti deklaroi se pasuesi i shkatërruesit brazilian është brenda skuadrës, presidenti Perez po tenton ta mbyllë merkaton me një mesfushor.
Në fillim doli në skenë emri i Bruno Guimaraes, por Newcastle mohoi largimin e lojtarit brazilian. Një tjetër emër që përflitet për transferimin te Reali është Pierre-Emile Hojbjerg.
27-vjeçari është pjesë e Tottenhamit të Contes, ndërkohë që aktivizohet edhe me kombëtaren e Danimarkës (58 ndeshje dhe 5 gola). Hojbjerg bën rolin e qendërmesfushorit dhe atë të shkatërruesit.
Ai realizoi golin e parë sezonal në Premier League të dielën. Tottenham siguroi një pikë me vlera pas barazimi 2-2 në “Stamford Bridge” përballë Chelsea.
Hojbjerg shënoi golin e barazimit momental 1-1, që solli edhe përplasjen mes trajnerëve Antonio Conte dhe Thomas Tuchel menjëherë pasi lojtari viking mposhti Mendy me gjuajtjen e tij të saktë.
Vështirë që Conte do të pranojë largimin e tij, por një ofertë e parefuzueshme nga Spanja do të ndikonte në kalimin e Hijbjerg nën urdhrat e Carlo Ancelottit.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?