Kosova U21 do të luajë më 9 shtator ndeshjen eliminatore të Europianit të kësaj grupmoshe, përballë përfaqësueses angleze, ndërsa sot trajneri Rafet Prekazi ka publikuar edhe listën e futbollistëve që ka grumbulluar për këtë takim.
Janë plot 5 futbollistë që luajnë në IPKO Superligën e Kosovës dhe 4 të tjerë që janë pjesë e Superligës Shqiptare, ndërsa pjesa tjetër luajnë për klube të ndryshme europiane.
Kosova U21 është në të njëjtin grup me Shqipërinë, Turqinë, Anglinë, Andorrën dhe Austrinë, ndërsa deri tani ka fituar të dy ndeshjet e luajtura dhe kryeson grupin me 6 pikë të plota.